Fonctionnement en langue d'Oc

Founciounamen dóu moulin

                     D’en proumié, fau que la teulisso siegue dins la pousicioun mounte l’aubre, estanco dis alo e de la giroueto siegue dins lou meme alignamen (lis alo soun perpendiculàri à la direicioun dóu vent)

 Fin que lis alo prouvesido de si velo arribon de vira fau qu’un vent boufo proun fort (intre 40 e 60 km pèr ouro). Quouro aquéli coundicioun soun acampado, lis alo fan vira l’aubre qu’entrino lou roudet e si 40 dent o pivo. Li dent à soun tour entrinon gràci i fus de la lanterno e dóu gros fer, la molo viranto.

En virant, à chasque di quatre part uno de tour, lou gros fer (de seicioun carrado) mando uno bassacado à l’entremueio que permet au gran de toumba regulieramen dins l’ueias (trau au mitan de la molo) Lou gran es pièi entrina souto la molo mount’es esquicha. Uno pichoto escoubo acroucado à la molo vai carreja la farino enjusqu’à uno d’uberturo dins la molo dourmanto que desbouco dins uno gouleto. La farino es alor rabaiado e acheminado, siegue dins uno saco, avans d’èstre sedassado, siegue dins un balutèu mount ‘es direitamen afinado.